தசதீட்சை

தசதீட்சை

1.கேளு அம்மென்று கெடியாக மண்டலம்

நாளுடன் செபிக்கில் நமனது விலகுஞ்

சேலுடன் தேகந் திரமது வாகும்

மாலுடன் சித்தும் வந்திடுந் தானே.

2.தானது ரெண்டாந் தீட்சையைக் கேளு

ஆனது உம்மென் றள்புட னீயும்

வானது நோக்கி மண்டலஞ் செபித்தால்

கோனவ னருள்தான் குடியிருப்பாமே.

3.குடியினில் மூன்றாந் தீட்சையைக் கேளு

முடியினில் சென்று முழுமனதாக

அடியினில் சிம்மென் றன்புட னீயும்

வடிவுடன் நன்றாய் வணங்கிடு முத்தியே.

4..முத்தியில் நாலாந் தீட்சையைக்கேளு

அத்த னருளை யன்புட நோக்கி

உத்தம நம்மென் றுரிமையாய்ச் செபிக்கில்

சித்தஞ் சிவமாய்த் தானவ னாமே.

5.தானது அஞ்சாந் தீட்சையைக் கேளு

ஆனது தம்மென் நன்புட னீயும்

வானுட நோக்கி மகிழ்ந்துருக் கொண்டால்

ஊனுடன் தேகம் உறுதியு மாமே.

6.உறுதியா மாறாந் தீட்சையைக் கேளு

நெறி தவறாமல் நேர்மையில் நின்று

சுருதியி லங்கென் றுடர்ந்துருக் கொண்டால்

பருதி போல் தேகம் பக்குவமாமே.

7.பக்குவ மேழாந் தீட்சையைக் கேளு

திக்கும் பொருளாய்த் தானேரம் மென்று

சிக்குமிடந் தன்னில் சென்றுரு செபித்தால்

திக்கு விசையஞ் செய்யலு மாமே.

8.செய்யவே எட்டாந் தீட்சையைக் கேளு

பையவே பிரம பதியிட மாகிக்

கையது நெல்லிக்கனி யதுபோல

வையகந் தன்னிற் கம்மென நில்லே.

நில்லே நிலையில் நினைவுடன் நின்றால்

தொல்லைகள் அகலுஞ் சோதிகள் காணுந்

தில்லையில் வாழுந்த தெரிசனங் காணும்

நல்லது எட்டுச் சித்துகள் நன்மையே.

9.நன்மையா மென்பதாந் தீட்சையைக்கேளு

உன்னமரும் மெனவே யுகந்துருக் கொண்டால்

சின்மயமான தெரிசனங் காணும்

தன்மை யீதெனவே சாந்திட முத்தியே.

10.சாந்திடப் பத்தாந் தீட்சையைக்கேளு

கூர்ந்திடு மந்தக் குறியை நீபார்த்து

ஆர்ந்திடு மம்மென றனுதினம் நோக்கில்

தீர்ந்திடும் பிறவித் திருவு மாமே.

- மச்ச முனிவர்.